由最初公佈一刻係想放棄沒唔買佢，每當推出新章節角色或造型時總會遇到同舊角色銜接唔
上嘅情況，如果本身人氣夠好似比古洛咁都仲可以彌補喱種不足，但今作悟飯又真係遜色好
多，雖然仲有隻百搭魔童叔叔陪下佢，可惜互動極低，令購買慾大減。
不過諗就係咁諗，但實際見價錢相宜而又幾靚仔，結果又係狗衝。
內容一覽，圖中尚欠附送支架，由於差不多盒盒龍珠SHF都送支架，所以屋企已經大把支架，
冇再拆開嚟用嘅必要，所以懶得影喇。
正面與背面展示，目測同通販SHF超西悟空冇分別。
3款面雕展示，我覺得比起比古洛傳神得多，當然口味喱樣嘢人人不同。
通常面。
奸笑面。
吶喊面。喱塊面我有少少保留，事關仔細睇會發現有輕微高低眼，左眼低咗些少。
各種姿勢展示。
特效件係整件產品裡面最差嘅一環，雕刻唔夠銳利，顏色唔夠鮮明，還原度極差。
最後送上2幅合成圖，由於究極悟飯登場時間就只有同魔人布歐(惡)戰鬥短短幾幕，可惜官方
仍未推SHF魔人布歐(惡)，而我又冇相關產品在手，只好用啲旁門左道嘅方法去呈現喱一幕。
~~~~ENJOY~~~~
沒有留言:
張貼留言