最終一戰【悟空 vs 菲利】

~~~~ ENJOY ~~~~

CAST OFF！！CLOCK UP！！【SHF 真骨彫 MASKED RIDER KABUTO】

為了要避免得個買字嘅情況出現，早前已決定放棄rider系列，亦相繼賣出家中相關玩具，但

喱一款真骨彫kabuto，又係至愛，又咁靚仔，又各樣那樣，如此這般......... 唔講，去圖把啦。

外盒包裝走高當路線，買嘅時侯仲以為係買部 iPhone返嚟。

配件一覽。

虐殺decade，大快人心，哈哈哈哈。

     

~~~~ ENJOY ~~~~

耳環合體【SHF DRAGONBALL Z VEGETTO 比古洛】

分享前要再次多謝朋友幫助，犧牲自己私人時間幫我完成小小心願，令到喱隻比古洛有如脫

胎換骨一樣。

比古洛，VEGETTO，漫畫裡出場時間只得第503話至第506話，篇幅雖少，但卻令人印象深

刻，壓倒性打敗布歐的姿態足以證明係漫畫中最強角色。

相比起終極悟飯，同樣以壓倒性的實力打敗布歐，但人氣就遠不及比古洛，可能讀者都習慣

了老界王口中所講的無謂變身吧。

由最初公佈推出SHF時，官方所發出的圖片中，普通型態比古洛可以用型英帥去形容，但實物

卻變成了洪天明。

幸好吶喊面保持一貫水準，入型入格，相當到位。

其實除了超西頭髮，其餘部份上色相當細緻，手套及戰鬥靴上了墨綠色陰影，背部上黑色陰

影，雙臂上了肉色之餘更再上深肉色陰影。

可惜最搶眼，最具代表性，最多人關注嘅超西頭髮就係唔上陰影。既然係咁，你唔上，我自

己搵人上。

各表情都好到位，唯獨是....................

唯獨是喱個斜視面，古古怪怪洪天明又出現。

要重現招牌絕技冇難度，關節承托力表現良好。

既然係悟空同比達的混合體，當然識出兩人的絕招。首先係比達的最後閃光。

接著係悟空的龜波氣功。

最後送上惡攪環節，比古洛 VS 超3悟空。

~~~~ ENJOY ~~~~

華麗轉身【聖衣神話EX 黃金魂獅子座艾奧里】

今次拍攝外盒有點可惜，由於攝影棚太細，入光唔夠，影唔出雷射印刷效果，大家不妨留意

吓底部就會見到個效果。其實仲有盒特典，但只係一般黑白印刷，懶得就懶喇。

素體同原祖獅子座大致上冇分別，係換上新設計膝關節及更大隻嘅金屬腳掌。目的應該係用

嚟承受新聖衣所帶來的額外負荷。

整體感覺良好，壯而不臃，喱點真係要讚一讚，少瑕疵一定有，左膝甲有明顯電鍍水泡，大

翼電鍍有花，不過都屬輕微，我唔太介意。除原裝大翼之外，仲送多個冇翼背扣，我覺得冇

翼都靚，但有啲似卡爾巴囉。

今作大細胸甲勻為金屬，比原祖較有誠意。必殺招動作需要換上細胸甲會更自然，因為大胸

甲會擋住肩甲活動。

斗篷唔係附送，我只係用OCE試一下兼容性，得出嘅結果係可以順利裝上，不過唔太穩陣，

有少少鬆。

~~~~ ENJOY ~~~~